Giawhag ni Alyas “Totoy” si Gretchen Baretto nga makigtinabangay ug magkooperar karun sa imbestigasyon nga gipahigayon sa kaso sa missing sabungeros gumikan siya matod pa ang kanunay nga kauban ni Charlie “Atong” Ang usa sa mga iladong negosyante kinsa usa sa mga gitudlong mastermind sa pagkawala sa mga sabungero.
Gikabutyag nga kagahapong adlawa mipadayag saiyang akusasyon ang giilang si Alyas “Totoy” Patidongan kalabutan sa kaso sa mga missing nga sabungero.
Matod ni Patidongan si Ang maoy nimando ngs “hiposon” ang mga sabungero nga giingong nangilad sa dula. Gilambigit usab niya sila si Eric Dela Rosa ug Celso Salazar isip mga kakunsabo ni Ang, ingon man pipila ka mga personahe sa Philippine National Police (PNP).
Matod niya nga niabot siya tungod kay aduna siyay pagsalig sa bag-ong hepe sa PNP, Gen. Nicolas Torre III.
Nitubag usab ang kampo ni Ang ug niingon ang abogado niini nga si Lorna Kapunan nga pasakaan nila og kasong libel si Patidongan karong adlawa. Matod ni Kapunan, walay kredibilidad si Patidongan nga mahimong state witness sa kaso tungod kay direktang nalambigit kuno siya sa mga pagdagit.
