Gituki sa Philippine National Police (PNP), Commission on Elections (COMELEC) ug uban pang dugang pwersa sama sa militar ang security arrangements alang sa umaabot nga parliamentary elections sa Bangsomoro Autonomous Region on Muslim Mindanao (BARMM) karong umaabot Oktubre.
Atol sa tigom, ang 6th Infantry Division ug Joint Task Force Central sa Philippine Army nipasalig nga hingpit nilang suportahan ang security reinforcement isip tubag sa panawagan sa Comelec alang sa malinawon ug luwas nga eleksyon sa Oktubre.
Gipamatud-an usab sa tigum ang panaghiusa sa kapulisan, militar ug Comelec aron masiguro ang malinawon, hapsay ug luwas nga parliamentary elections.
Samtang, si Comelec Chairman George Erwin Garcia nihatag og gibug-aton sa kamahinungdanon sa eleksyon sa kasaysayan sa BARMM ug sa panginahanglan niini sa suporta gikan sa mga lokal nga kagamhanan ingon man sa sektor sa seguridad sa nasud.
Apil usab sa dugang ayuda alang sa pagpalig-on sa seguridad sa umaabot nga piniliay ang ubang brigada ug marine units sa Armed Forces of the Philippines (AFP).
