Nagmando ang Securities and Exchange Commission sa tanang online lending platforms sa pag-assign ug landline nga mga koneksyon sa telepono.
Sumala sa ahensya, kini nga mga landline nga koneksyon sa telepono kinahanglan nga rehistrado sa ilang opisina ug kinahanglan nga i-link sa ilang mga Artikulo sa Incorporation.
Sa usa ka pahayag, si Financing and Lending Companies Division Assistant Director Kenneth Quimio miingon nga ang SEC mihatag sa online lending company og 15 ka adlaw sa pagsumite sa billing statement.
Kini nga lakang magpamatuod sa ilang pagsunod sa mando sa ahensya.
Gipasiugda sa SEC nga ang paggamit sa mga landline imbes sa mga mobile number maghatag ug mas klaro nga komunikasyon.
Dugang pa, makahatag kini og mas kasaligan nga serbisyo ug mas paspas ug sayon ang pag-verify sa pisikal nga lokasyon sa ilang kompanya.
Tungod wala pay landline nga konektado, gimanduan sa SEC ang presidente sa kompanya sa paghatag og notarized affidavit nga magpamatuod nga nisumiter sila og aplikasyon alang sa koneksyon sa linya.
