Giawhag sa Department of Foreign Affairs (DFA) ang mga Pilipino nga anaa sa Israel ug Iran, lakip na ang ilang mga pamilya sa Pilipinas, nga magpabiling kalma ug dili magpanik, human gipataas ang Alert Level 3 sa maong mga nasud atol sa padayong tensyon ug kagubot sa rehiyon.
Matud ni DFA Assistant Secretary Robert Ferrer daghan ang nabalaka ug nagpanic tungod sa misinformation may kalabutan sa giyera tali sa Israel ug Iran.Ang pagpataas sa Alert Level 3 usa lamang ka pagpangandam sa gobyerno ug embahada, kung mutaas pa ang tensyon sa lugar.
Gipasalig usab sa DFA nga ang 30,000 ka overseas Filipinos nga anaa sa Israel ang luwas ug anaa sa maayong kahimtang.
Samtang wala pa gipatuman ang mandatory evacuation ug wala pa nagtaas sa Alert Level 4 tungod alang sa mga lugar nga gitawag og warzone.
Padayon nga nagbantay ug naga-andam ang DFA og mga embahada sa duha ka nasud aron masiguro ang kaluwasan ug kahimtang sa mga OFW nga anaa sa hulga sa kagubot.
