Gitudlo ni Presidente Ferdinand Marcos Jr. si Court Administrator Raul Villanueva sa Korte Suprema.
Siya maoy mohulip kang Associate Justice Mario Lopez nga niretiro niadtong Hunyo 4.
Niadtong 2002, gitudlo siya nga huwes sa Branch 255 sa Las Piñas City Regional Trial Court.
Nagserbisyo usab siya isip acting judge sa Branch 267 sa Taguig City Regional Trial Court. ug acting presiding judge sa Branch 4 sa Manila RTC. Nagserbisyo usab siya isip executive judge sa Las Piñas City RTC.
Niadtong 2021, nahimo siyang deputy court administrator ug sa kataposan nahimong court administrator sa 2022.
Nagserbisyo siya sa lainlaing mga opisina sa gobyerno ug sa tanan nga tulo nga lebel sa gobyerno
Nakakuha siya og economics degree niadtong 1985 ug Bachelor of Laws degree niadtong 1990 gikan sa University of the Philippines.
