Daghang mga bata nga Palestinian sa Gaza ang nagpadayon sa pagsinati sa grabe nga kahuyang, hilanat, ug hapit walay sulod nga tiyan, lakip ang siyam ka bulan nga bata nga si Khaled, nga nag-antos sa malnutrisyon sukad siya duha pa ka bulan ang edad ug karon nagtimbang na lang sa 5 ka kilo, sumala sa taho sa Associated Press (AP).
Si Khaled kasamtangang gitambalan sa pangunang pediatric hospital sa Gaza, diin gitabangan siya sa mga doktor pinaagi sa feeding tube. Apan matod sa iyang inahan nga si Wedad Abdelaal, kulang pa ang suplay sa pagkaon ug tambal.
Tulo na ka bulan sukad gisirad-an sa Israel ang mga utlanan sa Gaza — ang pinakataas nga pagbabag sukad nagsugod ang gubat. Sumala sa United Nations, labaw sa 80% sa mga lumulupyo sa Gaza karon nagsalig sa tabang, apan halos wala nay pagkaon nga nahabilin sa mga bodega, ug kadaghanan sa mga kusina sa komunidad ug mga panaderya sirado.
Araw-araw ay nagkakagulo ang libo-libong tao — karamihan ay bata — sa pila para sa gamay nga pagkaon Daghang mga sentro sa nutrisyon ang nagsira usab tungod sa pagpamomba ug kakulang sa mga suplay. Ang mga bata sama ni Khaled hinay nga nangamatay, ug ang mga ospital halos dili makasunod sa gidaghanon sa mga kaso sa malnutrisyon.
Sumala sa UNICEF, kapin sa 9,000 ka mga bata ang natambalan tungod sa acute malnutrition karong tuiga, ug ang gidaghanon nagpadayon sa pagsaka. Adunay usab kakulang sa therapeutic nga pagkaon ug bitamina. Tungod niini, daghang mga ginikanan ang nakigbahin sa limitado nga tambal aron lang mahatagan ang tanan sa ilang mga anak, bisan kung kini dili igo.
Ang mga ginikanan sama kang Wedad desperado, ang upat pa nila ka mga anak anaa sa tolda, gigutom ug niwang sab. Ang iyang asawa nga adunay sakit sa kasingkasing, dili usab makalihok.
Ang ilang pangutana mao: kanus-a mahunong ang pagkuwang sa pagkaon sa ilang mga anak?
Sumala sa World Health Organization, adunay usa ka tin-aw nga peligro sa daghang kagutom sa Gaza, ug kung wala’y aksyon nga himuon, milyon-milyon nga mga bata ang mag-antos o mamatay sa mapugngan nga mga hinungdan.
