Usa ka lalaki balhog sa selda human sulay nga tigbason ang inahan

Balhog sa Bula Police Station ang usa ka lalaki nga giilang si alyas Dandy 27 anyos, minyo, ug residente sa Purok Tinago 9B, Brgy. Dadiangas South, General Santos City.

Human nga nasikop kini sa kapulisan kagahapong adlawa, alas 7:45 sa buntag dihang iyang sulay nga tigbason ang iyang inahan nga giilang si Alyas Cesa 51 anyos tungod sa panaglalis nilang duha.

Girespondihan sa kapulisan ang maong insidente ug didto nasikop sa kapulisan ang suspek.

Gipahibalo kini saiyang constitutional rights sa dialekto nga iyang nahibaw-an samtang kasong violation of Article 282 of the Revised Penal Code Grave Threat ang ginahikay nga kaso karun sa Police Station 6.