Miapela na ang book author nga si Nicholas Kaufmann nga undangan na siya sa mga supporters ni kanhi Pangulong Rodrigo Duterte sa buhos sa mga mensahe og comments.
Si Kaufmann, ang kapareho nga pangalan sa abogado ni Duterte nga si ICC counsel Nicholas Kaufman og usa ka letra lamang ang kalahian sa ilang apelyido. Sumala kang Nick, nakurat siya sa buhos sa mga mensahe nga iyang nadawat sa mga milabay nga adlaw.
Apan dili lang usab matod pa pro-Duterte ang mga nagapadala og mensahe tungod aduna usab mga Pilipino nga nangayo og pasaylo sa nahimong taras sa ubang nagpadangat kaniya og lain -laing komento.
Hinungdan usab, pipila sa kaila sa book author ang nagtambag na lamang nga himuon og libro ang kasinatian niini sa kalit nga pagsikat sa Pilipinas og sigurado nga daghan ang magka-interes niini.
Aduna usab nag-awhag kaniya nga pasagdan na lamang ang mga comments og mga mensahe apan tubag ni Nick mas makaayo unta kung dili na siya samuk-samukon sa mga pro-Duterte supporters.
