Gipaniguro sa National Security Council (NSC) nga ilang gimonitor ang mga aktibidad kalabot sa pagdakop ug pagsaulog sa ika-80 nga adlawng natawhan ni kanhi Presidente Rodrigo Duterte ugmang adlawa, Marso 28, 2025.
Matod ni National Security Council Assistant Director General Jonathan Malaya, wala silay nadawat nga intelligence report nga nagpakita sa hulga sa seguridad.
Bisan pa, giingon ni Malaya nga ang intelligence community lakip ang PNP ug AFP ang nag-monitor.
Gibutyag ni Malaya nga ang security sector wala magpasagad sa pagmonitor sa seguridad nga tumong sa pagsiguro sa kalinaw ug kalig-on sa nasud.
Sa laing bahin, gipasalig ni AFP Vice Chief of Staff Lt.Gen. Jimmy Larida ang ilang suporta sa Philippine National Police sa pagpatuman sa ilang law enforcement operation.
Nasayran nga adunay ipahigayon nga mga panagtapok ang mga supporters ni Duterte sa nagkadaiyang bahin sa nasod ugmang adlawa nga kadaghanan sa Mindanao sama sa Region 12 apil ang GenSan og Sarangani, Davao, og Butuan og sa uban pang lugar aron ipakita ang ilang suporta sa kanhi pangulo.
