Nag-post silang Sebastian “Baste” Duterte og Veronica “Kitty” Duterte sa ilang social media sa pagdakop sa ilang amahan nga si kanhi pangulo Rodrigo Duterte.
Gikan pa lamang sa Ninoy Aquino International Airport paingon sa Villamor Airbase kauban ni Duterte ang iyang pamilya.
Sumala sa post ni Kitty Duterte, ang gihimo sa iyang amahan makonsidera nga ‘illegal detention’ tungod wala matod pay gipagawas nga warrant of arrest kaniya bag-o dakpon sa airport.
Nakita usab sa social media post ni Kitty ang nahimong pagpaklaro sa iyang amahan nganong siya giaresto bisan nga wala kini basehan.
Kadungan niini ang hulagway nga ginakuhaan og blood pressure si Duterte.
Kahindumdoman nga gidala si Duterte sa Villamor Air Base ug didto gibasahan og Miranda Rights ni CIDG Director Nicolas Torre.
Samtang si Baste Duterte usab nagpadayag usab sa iyang social media nga walay hurisdiksyon sa Pilipinas ang International Criminal Court (ICC) busa dili valid ang arrest warrant nga gi-serve.
Dugang pa niya nga ginagamit lamang nila si Gen. Torre para i-legal nga i-detain og bawalan sa atensyong medikal ang iyang amahan.
Nagtuo siya nga ginahimo kini sa kasamtangang administrasyon para mawala ang atensyon sa publiko sa national budget.
