-- ADVERTISEMENT --
Gibanabana nga 80 ka mga Filipino ang nakadawat ug deportation notice gikan sa United States authorities dungan sa mas hugot nga kampanya sa bag-ong administrasyon batok sa mga ilegal nga langyaw.
Matod ni Philippine Ambassador to the US Jose Manuel Romualdez nga kining mga Pinoy wala sa prisohan ug aduna pa silay kahigayonan nga maka-adjust sa ilang legal nga pagpabilin sa Amerika.
Kahinumduman nga gisugdan dayon sa administrasyon ni US President Donald Trump ang pagpa-deport sa mga undocumented migrants human sa iyang inagurasyon niadtong Enero 20.
Gipasalig sa Department of Foreign Affairs (DFA) nga andam ang ahensya nga mohatag sa gikinahanglang tabang sa mga Filipino nga maapektuhan sa immigration crackdown sa Amerika.
