Ginahikay na karun sa Fatima Police Station ang Criminal complaint sa Violation of Sections 6, 11, 12 ug 15 sa Art. 2 sa RA 9165 kon Comprehensive Dangerous Drugs Act of 2002 batok sa suspek ug nakatakdang ipasang at pinaagi sa inquest proceedings.
Giila sa kapulisan ang suspek nga si alias Batsoy, 42 anyos, single, self-employed ug residente sa purok 13-A, Bock 2, Brgy. Fatima, General Santos City nga kasamtangang at large.
Ang maong operasyon partikular na sa Implementation of Search Warrant alang sa Violation of RA 9165 ang gipahigayon sa Layman Residence, Purok 13-A, Block 2, Brgy. Fatima, syudad sa miaging adlaw Pebrero 25, ning tuiga.
Gikabutyag nga usa kini ka joint operation ubos sa superbisyon ni Pmaj. Ari Noel Cardos ang hepe sa Police Station 7 ug gi-implementa ang search warrant.
Sa maong implementasyon, ang suspek ang wala nadakpan apan ang upat sa suspek ang anaa sa lugar nga giilang si alyas Chris, 27 anyos, fishport labor, alyas Cel, 27 anyos, self-employed, Alyas Angel, 18 anyos, self-employed nga puros temporaryong nagpuyo sa purok 13A, block 2, Brgy. Fatima ning dakbayan ug Jonathan, 32 anyos, laborer, ug residente sa Purok Baguirit, Brgy. San jose Fatima, General Santos City.
Narekober sailang gipuy-an ang mga ebidensya nga duha ka large sachet sa “Shabu” ug Pito ka small sachets sa ilegal nga droga nga dunay gibug-aton nga kapin o kulang 25 grams nga mo balor sa standard drug value nga P215,000 ug lain pang assorted drug paraphernalia.
