Tortang talong, ikaduha nga pwesto sa ’50 nga labing maayo nga egg dishes sa kalibutan’

Wala nagpapildi ang “appetizing” Pinoy food nga “tortang talong” sa listahan sa online food guide nga TasteAtlas human kini nahimong ikaduha sa ilang listahan sa “50 best egg dishes in the world.”

Base sa Facebook post sa TasteAtlas, gianunsyo niini nga nakakuha og score nga 4.4 ang talong torta, hinungdan nga nahimo kining top 2 sa ilang listahan.

Kon bahin sa ilang website, gihulagway sa iladong food guide nga ang tortang talong usa ka “simpleng Filipino dish” nga kombinasyon sa inihaw nga talong ug gibati nga itlog.

Matod sa food guide, ang talong torta kasagarang sagulan ug kamatis o ketchup, ug lami kini bisan unsang orasa, pamahaw, paniudto o panihapon man.