GENERAL SANTOS CITY – Nagtingkagol karon ang usa ka pulis sa prisohan human nga nadakpan pinaagi sa entrapment operation nga gipahigayon kagabie sa Police Station 5, Brgy. Tambler, ning dakbayan .
Nailhan ang dinakpan nga si PSSg Michael Anthony Canapit Roma, 36 anyos, minyo, sakop sa PNP nga kasamtangang nadestino sa maong buhatan. Pinaagi sa direktang pagdumala ni PMAJ WESLEY P MATILLANO, Station Commander uban sa mga personahe sa CIU, IDMU, GSCPO, RID 12 Bravo, Foxtrot & Golf ilahang gidakop ang maong pulis tungod sa pasangil sa mireklamong biktima nga giilang si Sheena Mae Baginda Eskale, 20 anyos, residente sa Prk. Bajao Village, Brgy. Bawing, ning dakbayan minyo ni Nuloddin D. Askali, usa ka piniriso sa maong buhatan tungod sa Viol. sa RA 9165 .
Matud pa ngta nipasangil nga sa wala pa kini nga hitabo, ang maong pulis ang nangilkil kaniya nga mokabat sa Php 10,000 bugti nga ang iyang bana nga si Askali ang dili mabalhin/komitido sa City Jail, Lanton, Apopong, .
Apan sa kaulahian nasayran sa mireklamo ang biktima nga ang iyang bana itugyan sa City Jail hinungdan nga iyang gi-refer ang maong butang ngadto kang PSSg Roma kinsa mipasalig kaniya nga dili makonbekto ang iyang bana ug nangayo pa kini kaniya og dugang pa nga Php 10,000. Tungod niini nga insidente naka desisyon ang biktima nga mangayo og tabang sa CIU-GSCPO.
Niini, gihimo ang joint entrapment operation nga miresulta sa pagkasikop sa suspek human kini makadawat sa entrapment money gikan sa biktima nga mokabat sa Php 3,000 nga gilangkuban sa tulo ka Php 1,000 peso bill . Sa kasamtangan ang suspek ang gipaubos na sa kustodiya sa maong buhatan alang sa tukmang disposasyon.
