Debris sa rocket gikan sa China mahimong nahulog sa Palawan ug Basilan

Naga tuo ang Philippine Space Agency (PhilSA) nga ang mga debris gikan sa Chinese rocket nahulog tali sa Palawan ug Basilan.

Ang Long March 8A rocket gilusad sa China sa Wenchang Spacecraft Launch Site sa Wenchang, Hainan alas 5:30 sa hapon.

Dugang pa sa PhilSA nga dili pa sila sigurado kon mahulog ba sa kadagatan o sa yuta ang mga debris apan delikado kini sa mga barko, eroplano o marine vessel nga moagi niini.

Gipahimangnoan usab nila ang publiko nga kung makakita sila og mga debris gikan sa mga rockets, ayaw kini ibalhin kay basin adunay makahilo nga mga butang sama sa rocket fuel.