-- ADVERTISEMENT --
Dili makaapekto sa ekonomiya sa nasud ang impeachment sa Kamara kang Bise Presidente Sara Duterte.
Kana ang gipasalig ni Presidente Ferdinand Marcos Jr. taliwala sa mga kabalaka nga mahimong mahuyang ang ekonomiya tungod sa nahitabo sa Bise Presidente.
Matod ni Presidente Marcos, ang administrasyon magpabilin nga nakatutok sa pagdugang sa puhunan aron masiguro ang padayon nga pag-uswag sa ekonomiya.
Sumala pa nga ang dagan sa ekonomiya magpadayon samtang magpadayon ang mga plano ug estratehiya sa gobyerno alang sa pamuhunan ug uban pang mga pagbag-o sa istruktura.
Gipasalig usab sa Presidente nga pabiling lig-on ang gobyerno bisan pa sa mga isyu ug buhaton nila ang tanan aron mapasig-uli ang ekonomiya sa nasud.
-- ADVERTISEMENT --
