Gipanghimakak ni Presidente Ferdinand Marcos Jr nga duna silay papel sa pag-impeach kang Bise Presidente Sara Duterte.
Matod niini nga ang executive branch walay interes sa impeachment, gibutyag usab sa presidente nga dili kalikayan nga hisgutan ang nasampit nga butang sa matag higayon nga makigkita sila kang Speaker Martin Romualdez ug pipila ka mga kongresista.
Gikwestiyon usab sa presidente ang maong plano sa mga kongresista ug niingon nga dili na kini kalikayan tungod kay nagpadayon na ang impeachment.
Sa higayon nga mapasaka na ang impeachment ang wala na matod pa siyay mahimo tungod kay mao kini ang mandato sa mga magbabalaod nga nalatid sa konstitusyon ug nag obserba lang siya ug ang executive branch ang dili moapil sa mga impeachment trials.
Gisultihan usab niini ang anak nga kongresista sa Ilocos Norte nga si First District Rep. Sandro Marcos sa pagbuhat sa iyang katungdanan sa konstitusyon pagtubag sa impeachment mao nga kini ang unang nakapirma sa ikaupat nga impeachment complaints batok sa Bise Presidente.
Masaligon usab ang Presidente nga ang pag-uswag sa impeachment dili makaapekto sa paglambo sa nasud.
Una, ang Presidente nagkanayon nga dili siya gusto nga ang mga magbabalaod moduso og impeachment tungod kay dili kini makaayo sa katawhan.
