Ginaduso karon ni Senate President Pro Tempore Jinggoy Estrada ang Senate Resolution 1290 aron mahatagtan ug pasidunngog ang namatay nga beteranong aktres nga si Gloria Romero, isip‘Queen of Philippine Cinema,’ nga nitaliwan kaniadtong 25 sa edad nga 91.
Gikutlo ni Estrada ang importanteng kontribusyon ni Romero sa pelikulang Pilipino, lakip ang iyang talento sa pag-arte, katahum, ug lawom nga impluwensya sa kultura sa nasud.
Gidayeg usab niya ang talagsaong karera ni Romero nga nagsugod niadtong 1949, nga nagpakita sa iyang pasundayag sa labaw sa 250 ka mga pelikula ug mga Tv shows.
Gihisgotan usab ni Estrada nga si Romero gitawag nga ‘First Lady of Philippine Cinema’, ug usa sa mga sikat niyang kauban sa pelikula niadtong panahona mao ang iyang amahan nga ang kanhi Presidente Joseph Estrada, sa pelikulang ‘Patria Adorada’.
Kahinumduman nga ang dakong kalampusan ni Romero o nailhan sa tinuod nga kinabuhi isip Gloria Anne Galla niabot niadtong 1954 sa pelikulang ‘Dalagang Ilocana’, diin nakuha niya ang iyang labing unang FAMAS Best Actress Award sa edad nga 21.
