NCSC sugdan na ang paghatag og P10,000 nga benepisyo sa mga kwalipikado nga mga senior citizens

Gibutyag ni Commissioner Edwin Espejo sa National Commission on Senior Citizens (NCSC) nga sugod ning bulan sa Enero ipatuman na ang Republic Act 11982 o ang Expanded Centenarians Act.

Giklaro ni Espejo nga base sa maong balaod nga ang senior citizens edad 80 anyos, 85 anyos, 90 anyos, og 95 anyos ang makadawat og P10,000 cash grant.

Sa mga nasampit nga edad angayang mag-adto sa mas duol nga senior citizen office nga mag-apply aron nga makadawat sa maong benepisyo.

Kung makaabot pa sa pag-abot usab sa edad nga 100 years old ang makadawat gihapon og P100,000 cash grant.