Nasigpatan sa baybayon sa Zambales ang usa ka higanteng barko nga gitawag nga “monster ship” sa China.
Kini ang gikumpirmar ni Philippine Coast Guard spokesperson Commodore Jay Tarriela.
Diin, iyang gipaambit nga ang barko anaa sa gilay-on nga 77 nautical miles gikan sa coastal area sa Zambales.
Matod pa nga bag-o ang mas duol nga presensya sa monster ship ug gidudahan nga gituyo kini tungod kay nakatutok lang ang operasyon sa 4th dash line sa Chinese coast guard.
Gituohan usab s opisyal nga kining lakang sa Chinese Government mao ang pag-normalize sa ilang presensya sa tibuok lugar.
Mao nga gipahibalo sa tigpamaba sa Philippine Coast Guard ang hugot nga pagsupak sa nasud sa pagsulod sa Chinese Coast Guard.
Kini aron ipakita sa tibuok kalibotan nga dili motugot ang gobyerno sa Pilipinas sa ilegal nga presensya sa monster ship 5901.
