Nagpaabot sa ilahang pahisubo ang Philippine Sports Commission ngadto sa pamilya sa atletang si Mervin Guarte.
Nakaplagang naligo sa kaugalingong dugo si Guarte dihang gidunggab gamit ang kutsilyo samtang natulog sa balay sa higala niini sa Calapan City, Oriental Mindoro.
Gibutyag ni Calapan City Police Station Commander Lt. Col. Roden Fulache nga nahinabi pa sa imbestigador ang atleta ayha kini nabugtuan sa kinabuhi.
Apan wala pa nailahan ang mihimo sa krimen gumikan tulog ang biktima atol sa insidente busa padayon pang gipalawman ang imbestigasyon.
Ang 33-anyos nga si Guarte ang nakasakmit sa duha ka bulawang medalya sa obstacle course racing sa Southeast Asian Games niadtong 2019.
Usa uusab siya ka Airman First Class dihang misalmot sa Philippine Air Force pinaagi sa direct enlistment niadtong 2015 ug nadestino sa Lipa, Batangas
