Gisusi na sa Energy Regulatory Commission (ERC) ang regulatory reset fee —nga gikolekta o gisingil sa mga pribadong kompanya sa serbisyo sa kuryente ngadto sa mga konsumidor niini sukad pa niadtong 2015.
Kini nga desisyon gihimo human ang gobyerno migahin ug pundo alang sa consultant nga wala gayud magamit.
Bisan pa nga wala pa gipagawas sa ERC ang opisyal nga listahan sa mga apektadong utilities, gilauman nga maapil ang mga dagkong kompanya sama sa Meralco, VECO, Davao Light, ug Cepalco.
Alang sa Meralco, gibana-bana nga mokabat sa P0.22/kWh ang refund ug kini makita sa bayronon sa Pebrero 2025.
Mahimong makatabang kini aron mabawi ang posibleng pagsaka sa bayranan nga may kalabotan sa pagbawi sa gasto sa National Grid.
Corporation of the Philippines (NGCP) alang sa ancillary services. Bisan pa, ang ERC wala pa magsulti sa eksaktong kantidad sa refund alang sa ubang mga utilities.
Gawas sa regulatory reset fee refund, ang Meralco gilauman usab nga mohatag og refund gikan sa sobra nga koleksyon niini sugod sa 2022, nga kasamtangang gisusi sa ERC.
Ang Meralco nipahibawo nga moabot og P16 bilyones ang refund, apan ang grupo sa NASECORE niinsister nga responsibilidad sa ERC, ug dili sa Meralco, ang pagkuwenta sa saktong kantidad sa refund base sa datos nga anaa sa komisyon.
Sa laing bahin, tulo ka mga refund ang gi-isyu sa Meralco sukad niadtong 2012, apan gikunhoran lang kini og P0.03/kWh.
Tungod walay rate reset sulod sa kapin sa usa ka dekada, ang ERC gikatakdang mopahigayon ug bag-ong rate reset sa 2025, apan ang provisional rate alang sa Meralco wala pa gipagawas samtang ang final average distribution rate para sa bag-ong regulatory period anaa pa nga determinado magsugod gikan sa 2025 hangtod 2028.
