Nagplano sa pagsugod sa impeachment proceedings ang nag-unang partido batok kang SoKor President Yoon Suk-Yeol kung dili dayon siya mo naug sa pwesto nunot sa hamubo nga deklarasyon sa martial law kagabii nga gibawi dayon.
Sa usa ka pamahayag, ang partido sa oposisyon miingon nga kung dili dayon mo-resign si Yoon, ang Partido mopahigayon og impeachment proceedings subay sa gusto sa katawhan sa SoKor.
Matud sa koalisyon nga ang mga magbabalaud gikan sa opposition parties, plano nila nga magpatuman ug usa ka bill aron i-impeach si Yoon karong Miyerkules na ipahigayon ang pag botar sa sulod sa 72 oras o 3 ka adlaw.
Base sa usa ka opisyal sa presidente, ang chief of staff ug mga senior secretary ni Yoon nitanyag nga mo-resign sa kadaghanan.
Human sa deklarasyon ni Yoon sa Martial law nga gitumong sa pagdepensa sa ilang nasud gikan sa North Korea ug sa pro-North nga anti-state forces ug pagpanalipod sa ilang independente nga constitutional order, nisangpot kini sa kagubot ug mga demonstrasyon diin pipila ka mga tawo ang nisaka pa sa parliament building pinaagi sa pagguba sa bintana ug mga military helicopter. makita usab ang pagpalupad sa hangi.
Samtang, daghang mga protesta ang gipaabot karong adlawa uban ang pinakadako nga koalisyon sa unyon sa SoKor, ang Korean Confederation of Trade Unions, nga nagplano sa usa ka rally sa Seoul ug nanumpa nga magprotesta hangtod sa pagluwat ni Yoon.
