Aduna na’y maayong tulog si Pope Leo XIV sa ospital samtang nagpadayon ang iyang pag-ayo human sa bag-o lang nga operasyon sa iyang baga tungod sa kanser, sumala sa pahayag nga gipagawas sa Vatican karong Huwebes.
Nahinumdoman nga ang 71-anyos nga pangulo sa Simbahang Katolika miagi sa operasyon diin gitangtang ang gitawag og ‘nodule’ o bukol sa iyang baga.
Sumala sa Vatican, base sa pahibalo sa Gemelli Hospital sa Rome niadtong Martes, gikinahanglan nga tangtangon ang bukol gikan sa tuo nga bahin sa baga sa Santo Papa.
Matod pa sa mga doktor niadtong Miyerkules, nagpadayon ang pag-ayo sa Santo Papa human sa operasyon.
Gipaabot na lamang karon ang resulta sa ‘biopsy’ aron mahibal-an kung mikaylap ba ang kanser. Sa wala pa ang operasyon, miingon usab ang Vatican nga gibanabanang mokabat og usa ka semana ang pag-ayo sa Santo Papa.
