Sa labing unang higayon gibutyag ni Ukraine President Volodymyr Zelensky nga andam siya nga isurender ang teritoryo sa Ukraine sa Russia aron maundang na ang giyera.
Gihimo sa Pangulo sa Ukraine ang naasoy nga pahayag sa pakighinabi kaniya sa usa ka British television news channel kaniadtong Biyernes.
Matud niini kaya nga isurender sa iyang nasud bugti sa pagpailawom sa mga teritoryong kontrolado gihapon sa Ukraine sa North Atlantic Treaty Organization (NATO).
Gikadugang pa ni Zelensky nga kung nakasabutan na ang ceasefire tali nila sa Russia, mamahimo na unya makig-negosasyon ang Ukraine sa diplomatikong paagi aron mabalik ang teritoryo sa sidlakan nga kasamtangan kontrolado sa Russia.
Ang mga pahayag ni Zelensky ang nagpakita ug dakong kabag-uhan sa iyang posisyon.
UNa nga gibutyag sa Kyiv nga ipadayon niini ang pakig away sa Russia hangtud sa mabalik ang mga gilla sa international community nga teritoryo sa Ukraine lakip na ang upat ka region nga giilog sa Russia ug gihimong annex kaniadtong 2022 apil ang Crimea.
