GENERAL SANTOS CITY – Gipatuman sa bag-ong labaw sa kapulisan sa rehiyon dose ang kaluwasan sa publiko isip mandato sa ilang labaw nga si Police Director General Francisco Marbil.
Kini ang pagpaklaro ni B/Gen Arnold Adiente, OIC Regional Director sa PRO 12 dihang gibisita ang Camp Fermin Lera Jr.
Matud ni General Ardiente nga ang maong kampanya magmugna ug malinawon nga nga palibut sa matag usa.
Gawas niini estrikto usab nga ipatuman ang kalimpyo sa mga presento ug gipromote ang propesyunalismo sa mga personahe.
Isip tigpatuman sa balaud gipaklaro niini ang hugot nga kampanya kontra sa tanan nga Illegal ug zero tolerance sa mga ginsakpan nga malambigit sa Illegal activities ug andam silotan ang mga malambigit nga sakop.
Kalabutan sa imbestigasyon sa mga krimen gipasalig niini nga walay gidapigan ang kapulisan ug gisiguro nga mapahamtangan ug silot ang mga sad-an.
Gigarantiya usab ni Ardiente nga andam magresponde ang kapulisan alang sa luwas nga pagsaulog sa Pasko ug bag-ong tuig ug dili lamang panahon sa pasko apan sa tanang higayon.
