SARANGANI PROVINCE– Gikumpirma ni Dr. Arvin Alejandro, provincial health officer sa Sarangani Province nga ang cervical cancer ang usa sa nanguna nga hinungdan sa kamatayon sa mga tao sa nasud partikular na sa mga kababainhan.
Dugang pa niini nga taga tuig gataas ang kaso sa cervical cancer ug kini angay nga kabalak-an.
Sumala ni Dr. Alejandro nga bisan paman nga dili kaayo taas ang kaso sa maong makamatay nga cancer sa mga kababainhan kumpara nilabay nga tuig nasuta nila nga adunay unom ang nagpositibo sa cervical cancer.
Bisan pa man nga makamatay ang maong sakit apan mahimo kining mapugngan.
Gipasabot usab ni Dr. Alejandro nga ang cervical cancer usa ka sexually transmitted disease ingon man makuha kini pinaagi sa sekswal nga aktibidad.
Nagpahimangno kini sa mga katawhan ilabi na sa kababainhan nga kanunay nga mag-amping og makaangkon ug luwas nga pakighilawas.
