Gikumpirma ni Senator Ronald “Bato” Dela Rosa ang plano niya nga mangayo ug tabang gikan sa Korte Suprema kung adunay warrant of arrest nga giisyu kaniya sa International Criminal Court (ICC).
Apan kon moingon ang korte nga kinahanglang mopailawom siya sa kustodiya sa ICC, niingon siya nga wala siyay mahimo niini.
Dihang niingon ang Korte Suprema nga walay hurisdiksyon ang ICC dinhi sa atong nasud, niingon siya nga null and void ang tanang kamandoan ug dili angay tahuron ingon man ang kapolisan ug ang kagamhanan sa Pilipinas kinahanglan nga mosunod niini.
Gitataw sa Senador ug kanhi hepe sa Philippine National Police (PNP) nga walay puwersa sa kapolisan ang International Criminal Police Organization (Interpol) ug kinahanglang makig-alayon kini sa Philippine National Police sa pagpatuman sa bisan unsang warrant of arrest gikan sa ICC.
Ang kasamtangang administrasyon ni Marcos mibarog na nga ang PH komitado sa mga obligasyon niini ngadto sa Interpol, nga mahimong gamiton sa ICC aron ipatuman ang bisan unsang warrant of arrest nga giluwatan niini.
