Nagpadayon ang mga amerikano sa ilahang pagpili alang sa sunod nga presidente nga mag-okupar sa White House.
Si Bise Presidente Kamala Harris sa mga Demokratiko ug kanhi Presidente Donald Trump sa mga Republikano nanginahanglan labing menos 270 nga mga boto sa eleksyon aron makadaog niini nga eleksyon.
Ang battleground states sa Arizona, Georgia, Michigan, Nevada, North Carolina, Pennsylvania ug Wisconsin gikonsidera nga yawe sa pagtino kon kinsa tali sa duha ka kandidato ang mopatigbabaw karong tuiga.
Sa alas 6 sa buntag Eastern Time, ang mga lokasyon sa botohan nga abri naglakip sa Connecticut, New Jersey, New York, New Hampshire, Virginia, Indiana, Kentucky, ug Maine.
Alas 7 sa buntag ET, ang mga polling center nga giablihan mao ang Alabama, Delaware, Washington DC, Florida, Georgia, Illinois, Kansas, Maryland, Massachusetts, Michigan, Missouri, Pennsylvania, Rhode Island, South Carolina, ug Tennessee.
Sa alas 8 sa buntag ET, giablihan usab ang mga sentro sa Arizona, Iowa, Louisiana, Minnesota, South Dakota, North Dakota, Oklahoma, ug Wisconsin.
Samtang gitapos ni Harris ang iyang 107 ka adlaw nga kampanya sa Pennsylvania samtang nahuman si Trump sa Michigan, ang parehas nga estado nga iyang gipili ingon iyang katapusang destinasyon sa katapusan nga duha ka kampanya sa pagkapresidente.
Padayon sa pagtan-aw sa US election updates sa Bombo Radyo Philippines nga dad-on sa kapin sa 150 ka Bombo International correspondent direkta gikan sa lain-laing estado sa United States of America.
