Usa ang namatay samtang pito pa ka estudyante ang nasamdan human dunggabon sa usa ka 15-anyos nga suspek ang mga estudyante sa gawas sa usa ka middle school sa Basaksehir, Istanbul, Turkey kagahapong adlawa.
Sa sinugdan, kritikal ang kahimtang sa usa sa mga biktima apan ulahi kining namatay tungod sa mga samad nga naangkon niini.
Matod sa Istanbul Governor nga si Davut Gul, ang suspek residente sa maong lugar ug nagtungha sa laing eskwelahan sa dihang misulod kini sa eskwelahan sa mga biktima.
Ang 15-anyos nga Grade 10 student anaa na sa kustodiya ug gikatakdang atubangon ang legal nga proseso.
Ang maong insidente nakadugang sa kabalaka bahin sa seguridad sa mga eskwelahan sa Turkey, diin adunay mga laing insidente sa pagpamusil nga natala niadtong Abril ug Septyembre.
