Nagpagawas na sa iyang pahayag ang actor nga si Sandro Muhlach human ang natigayong pagpangabusong sekswal kaniya.
Sa social media account ni Sandro, hilabihan kining nagpasalamat sa hustisya sa nasud tungod wala siya gipasagdan.
Ang paggawas sa pahayag sa aktor human sa pormal nga pagpasaka sa Department of Justice og kasong sexual abuse batok sa independent contractors sa GMA network nga silang Jojo Nones og Richard Cruz.
Gibutyag niini nga daghang mga hagit ang iyang giatubang og dugang nga sakit gikan sa pagtamay sa publiko.
Dugang pa niini nga gibati niya ang kahadlok sa mga biktima sa pagpangabuso ilabina nilang sila ang mipatim-aw kung asa naatubang ang mga nasampit sa online bullying og kritisismo.
Giawhag ni Sandro ang mga adunay parehas kaniya og kasinatian nga mugawas og dili magpapildi sa mga gustong magpahilom kanila.
