Kumbinsido si Citizens Watch for Good Governance o CWGG 10 convenor Atty Antonio Soriano nga taas pa nga proseso ang agian sa mga gustong manumbong batok kang kanhi Pres Rodrigo Duterte nunot sa isyu sa extra judicial killings sa nasud.
Kini bisan kon miangkon si Duterte sa senate investigation kabahin sa daghang EJK cases tungod sa iya usab tinguha nga panalipdan ang mas dakong ihap sa katawhan batok illegal nga droga.
Miingon si Soriano nga dili igo nga miangkon ang kanhi president nga motoo na lang ang korte nga mohawid sa iyang atubangon nga kaso.
Dugang ni Soriano nga dili usab magamit sa mga abogado nga kontra kang Duterte ang mga impormasyon sa imbestigasyon kabahin sa EJK issue sulod sa kamarabaha ug senado.
Miingon si Soriano nga mihupas na ang katuigan nga puwede unta kining himoon sukad mihawa ang Pilipinas sa International Criminal Court.
Gibutyag ni Soriano nga mas maayo nga sa mismong korte sa nasud na lang iduso sa mga gusto nga manubag si Duterte sa maongi isyu kaysa dad-on sa ICC nga walay kasiguruhan
