Welcome development alang kang Senador JV Ejercito, principal sponsor sa Universal Healthcare Law, ang gi-isyu nga Temporary Restraining Order (TRO) sa Korte Suprema sa pagbalhin sa P29.90B nga giingong sobra nga pondo sa Philhealth sa National Treasury.
Isip author sa Universal Health Care (UHC) Act, dako ang pagtuo ni Ejercito nga ang healthcare funds ang angayang magamit direkta alang sa kaayohan sa mga miyembro sa PhilHealth members.
Sa iyang pamahayag nga dili makatarunganon nga adunay sama niini ka dakong pondo ang wala nagamit sa PhilHealth samtang daghan sa mga tawo ang padayon nga nalisdan sa ilang mga bayrunon sa ospital.
Gipasalig karon sa Philhealth og gobyerno nga musunod sa TRO sa SC sa pagbalhin sa maong pondo ngadto sa national treasury.
Una niini nagpagawas og TRO ang Supreme Court En Banc aron pugngan ang pagbalhin sa sobra nga reserve funds sa PhilHealth sa national treasury.
Giusa usab sa Korte ang mga petisyong gipasang-at sa 1SAMBAYAN Coalition og ang mga nauna nga gipasang-at nga kaso nilang Sen. Koko Pimentel og Bayan Muna Chairman Neri Colmenares.
