Dili daw ang ang Senate Committee on Women, Children, Family Relations and Gender Equality ang magahukom kung guilty o dili si Pastor Apollo Quiboloy.
Mao kini ang tubag ni Kingdom of Jesus Christ leader sa mga mga akusasyon batok kaniya sa kanhing mga myembro o myembro sa ilang relihiyon.
Matod ni Quiboloy, kinahanglang motestigo ang vivtim-survivors sa korte bahin sa ilang mga pasangil aron makadepensa siya sa iyang kaugalingon.
Gitawag pa sa pastor nga “trial by publicity” ang imbestigasyon sa komitiba tungod matod niya wala silay resource person sa hearing tungod ang mga nag akusa lang kaniya ang gipagawas sa Senado.
Hinuon hugot nga gipanghimakak niini nga walay basehanan ang mga seryosong pasangil batok kaniya sama sa sexual abuse ug uban pa.
Apan sa habig ni Sen. Risa Hontiveros, normal lang nga manghimakak ang mga akusado tungod kay kini maoy ilang paagi sa paglikay sa legal nga responsibilidad.
