Niinsister si Department of Education (DepEd) Secretary Sonny Angara nga kinahanglang ayohon ang pagpatuman sa Universal Access to Quality Tertiary Education Act, usa ka balaod nga naggarantiya sa libreng tuition sa kolehiyo aron tangtangon ang mga adunahan nga mga studyante ug ang mga takos ug kabus lang nga mga studyante ang hatagan og subsidyo.
Matud niya nga importante ang pag ayo sa pagpatuman sa balaod tungod kay ang mga kahinguhaan alang sa sektor sa batakang edukasyon nahimong nipis human gilugwayan ang subsidy sa kolehiyo.
Gipakita sa kalihim nga bisan ang mga estudyante sa Unibersidad sa Pilipinas ‘libre sa tuition’ apan kung imong tan-awon, daghan sa mga estudyante sa unibersidad gikan sa mga adunahan nga pamilya.
Kalabot niini, gihingusgan sa DepEd nga kinahanglang tutukan sa kagamhanan ang paghatag ug libreng edukasyon sa kolehiyo alang sa mga takos nga mga tinun-an ug pugngan ang mga wala magkinahanglan niini nga makakuha og subsidyo taliwa sa nagkadaghang kabus nga mga tinun-an sa kolehiyo nga moundang tungod kay wala probisyon sa ilang tuition.
Subay sa datus sa Commission on Higher Education (CHED) niadtong 2023, kapin sa 2 milyones ka mga estudyante sa state universities and colleges (SUC) ang nakadawat ug libreng tertiary education sa 200 ka institusyon sa tibuok nasod.
