Gihulagway nga usa ka buotan nga bata si Patrolman Fahad Masula sa iyang uyu-an.
Sa pakighinabi sa Bombo Radyo Koronadal kang Danilo Masula nga responsable ug mapinalangga-on sa ginikanan ug mga kabanay ug mga kaila.
Matud ni Danilo nga nasakitan pag-ayo ang mga ginikanan ni Fahad tungod kalit kaayo ang nahitabo.
Matud niini nga halos matag buntag ginagakos sa Inahan ang hulagway sa anak samtang nagahilak tungod nag-inusara lamang kini nga anak.
Kahinumduman nga padulong na unta sa General Santos ang sakyanan ni Fahad nakatagbo niini ang usa ka dump truck sa Purok 2 Glamang, Polomolok South Cotabato nga nagresulta sa head on collision.
Sa kakusog sa pagbangga naipit si Patrolman Masula ug naglisod pagkuha kaniya.
Sa kasamtangan nakahaya sa ilang pinuy-anan sa Barangay Cacub, Koronadal City ang patay nga lawas niini.
Sakop ang nahisgutan sa Regional Mobile Force Batallion 12 hinungdan nga naka half mast ang bandera sa Camp General Paulino T. Santos sa Tambler ning syudad.
Nahitabo ang insidente kaniadtong Oktobre 16, 2024.
