GENERAL SANTOS CITY– Nakasuhan na ug murder ug frustrated parricide ang suspek nga namukpok ug martilyo sa menor de edad nga igsuon ug iyang inahan.
Sumala kang Police Major Gaspar Maguiwe, hepe sa Fatima Police Station nga hingpit ng nakasuhan si Jessie Carcosia nga kustodiya sa kapulisan.
Gikadugang sa opisyal nga nagpabilin nga anaa sa talandugon nga kahimtang si Elma Carcosia, inahan sa suspek human nakaangkon ug mga samad ug bun-og hinungdan gidala sa tambalanan.
Kahinumduman nga gipangbunalan ug martilyo ang duha ka biktima samtang naa sa ilang panimalay sa Zone 6 Brgy. Fatima ning syudad.
Namatay on the spot ang 16 anyos tungod sa mga samad nga naangkon.
Nasuta nga pipila ka adlaw ng nagbasa ug Bibliya ang suspek sulod sa selda sa Fatima Police Station.
