Walay plano ang gobyerno nga patas-an ang alert level sa Lebanon bisan pa sa pagkatag sa away tali sa Israel ug Hezbollah sumala sa Department of Foreign Affairs (DFA).
Matud ni DFA-Office of Middle East and African Affairs (OMEAA) Deputy Assistant Secretary Marlowe Miranda nga kinahanglan gayud nga patas-an ang alert level ngadto sa pinaka taas nga level .
Segun niini ang pagpatuman sa alert level 4 ang nagpasabot nga ang gobyerno makapatuman ug mandatory repatriation sa mga Filipinos.
Hinuon gibutyag ni Miranda nga ang Philippine Embassy sa Beirut ang nagpahigayon ug repatriation efforts samtang anaa sa alert level 3 ang gipatuman sa Lebanon nga nagpasabot nga pwedi dili muapil sa voluntarily repatriation ang mga Filipino.
Nasuta nga may 11,000 ka mga filipino ang atoa sa Lebanon apan 1,000 lamang ang naapil sa voluntary repatriation.
Sa kasamtangan mukapin 500 ka Filipinos na ang nakapuli sa nasud samtang 1,205 ang nagka interes nga muapuli sa nasud sa nakalabay nga 48 oras.
Una nga nanawagan ang Philippine Embassy sa Beirut nga mag alsa balutan na ang mga Pinoy samtang may biyahe pa ang mga eroplano luyo sa baylo-anay ug rocket fire sa Israel ug Hezbollah.
