DA nagtuo nga mukunhod ang presyo sa bugas sa mga musunod nga adlaw

Nagtuo ang Department of Agriculture nga hingpit ng muobos ang presyo sa bugas sa mga umaabot nga mga adlaw.

Matud kang DA Assistant Secretary og Spokesperson Arnel De Mesa, kini tungod sa mabati na ang gibawasan nga taripa sa mga imported nga bugas.

Pipila usab sa mga rason mao ang pagluag sa India sa ilang rice exports og ang padayong panahon sa pag-ani sa nasud.

Tanan sa mga naasoy nga rason maoy magdala og nindot nga epekto sa merkado.
Una ng gibutyag sa DA nga ang pagbawas sa taripa ang makabawas og presyo sa mga bugas.

Lakip usab nga magpakunhod sa presyo mao ang bag-ong pirma nga balaod nga Anti-Agricultural Economic Sabotage Act.