Gikatakda nga mag tagbo ang komite nga nagdumala sa pagpatuman sa gun ban ingon man ang uban pang mga butang sa seguridad alang sa 2025 Mid-Term Elections.
Kini aron tukion ang mga gikinahanglang adjustment sa pagpatuman sa gun ban sa pagsugod sa election period nga gikatakda sa Enero sunod tuig.
Sa samang higayon, si Philippine National Police (PNP) Public Information Office Chief, PCol. Jean Fajardo nga human sa pag-file sa Certificates of Candidacy (CoC) niadtong Oktubre 8, sugdan na usab ang proseso sa pagbawi sa security details sa mga kandidato.
Ibalhin usab sa assignment ang mga pulis nga gitumbok nga dunay paryente nga modagan sa ilang destinasyon karon aron malikayan ang impluwensya.
Ang PNP, sa pakigtambayayong sa Armed Forces of the Philippines (AFP), mo-operate usab sa Joint Peace and Security Coordinating Center nga maoy magdeterminar kon gikinahanglan ba ang usa ka kandidato nga mahatagan ug protective security.
