Nagpaulan ang Iran og ballistic missiles sa Israel isip balos sa kampanya niini batok sa Hezbollah sa Lebanon.
Ginabanabana nga 200 ka missiles ang gipalupad sa Iran.
Una niini, nag-anunsyo na daan ang militar sa Israel sa posibleng ballistic missile strike gikan sa Iran oag gipaandan ang publiko nga mutago sa hilway nga lugar sa higayon sa pagpang-atake.
Una na gibutyag sa Iran nga mubalos sila human sa pag-atake sa Israel nga mipatay sa top leader sa Hezbollah.
Ang kampanya sa Israel sa Lebanon ang ginakonsidera nga labing dako nga escalation sa regional warfare sugod sa panabangi sa Gaza sa milabay nga tuig.
Gibutyag usab sa Israel nga walay seryoso nga casualties ang na-report.
Gilayon usab nga nag-isyu ang Philippine Embassy sa Israel og advisory sa local Filipino community nga musulod sa protected space human sa pagpaulan og missiles sa Iranian government.
Gitugyan usab sa Embassy sa mga Pinoy nga magsunod sa mga mando sa Home Front Command.
