Comelec, nipahinumdom sa mga kandidato batok sa sayo nga pagpangampanya dungan sa unang adlaw sa COC filing

Nagpahinumdom ang Commission on Elections sa mga kandidato nga likayan ang sayo nga pagpangampanya dungan sa unang adlaw sa pag-file sa Certificate of Candidacy .

Kini bisan og ang mga mo-file sa kandidatura dili makalapas sa bisan unsang balaod tungod kay dili pa sila makonsiderar nga opisyal nga mga kandidato.

Matod sa tigpamaba sa Comelec nga si John Rex Laudiangco, makonsiderar lang sila nga kandidato kon magsugod na ang campaign season sunod tuig.

Alang sa nasyonal nga posisyon ang pagsugod sa panahon sa kampanya mao ang Pebrero 11, 2025 samtang alang sa mga lokal nga posisyon gikan sa Marso 28, 2025.

Matod usab sa opisyal nga higpit nilang ipatuman ang decorum sa filing venues sa COC sa tanang buhatan sa Comelec.