Wala nadayon ang pagbalhin kang kanhi Bamban, Tarlac Mayor Alice Guo sa Pasig City Jail Female Dormitory kagabie, Septyembre 20.
Sumala kang Jail Chief Inspector Jayrex Joseph Bustinera, spokesperson sa Bureau of Jail Management and Penology (BJMP), wala pa nakumpleto sa Philippine National Police (PNP) ang documentary requirements para sa ‘transfer of custody’ lakip na ang medical assessment.
Gibutyag usab niini kung makaabot na si Guo gikan sa PNP Custodial Center sa Camp Crame, isagol kini sa detention facility kun asa adunay 44 ka mga piniriso.
Guot ang sitwasyon tungod ang maong area ang makaakomodar lang unta og siyam ka detainees.
Ang pagbalhin kang Guo ang human sa order sa Pasig City Regional Trial Court Branch 167 nga mao ang adunay hurisdiksyon sa non-bailable ukon walay pyansa nga kaso ni Guo nga qualified human trafficking.
Gipasalig usab sa BJMP nga pananglitan mag-abot na ang dismissed mayor, dili kini hatagan og special treatment.
Kahinumduman nga kagahapon, nagpyansa si Guo og P540,000 sa kaso nga graft sa Valenzuela City Regional Trial Court Branch 282.
Kagahapon unta ang arraignment sa iyang maong kaso, apan na-postpone tungod nag-file ang iyang kampo og motion to quash information.
