Mag-atubang ug patong-patong nga kaso ang mga indibidwal nga nagtago kang Pastor Apollo Quiboloy aron dili dayon masikop sa mga otoridad.
Matud kang Police Regional Office 11 Director, PBGen. Nicolas Torre III, ipagawas ang pinal nga listahan sa mga tawo nga nalambigit niini.
Basi sa datos, mikapin sa napulo ka indibidwal ang posible nga nagpaluyo sa pagsagop kaniadto sa puganteng pastor. Lakip sa kasong atubangon sa mga nahisgutan ang kaso nga inciting to sedition ug conspiracy to commit inciting to sedition. Luyo nga wala pay pangalan nga gipagawas, una nga gibutyag ni Torre nga ang pipila sa mga nahisgutan ang mga inila nga indibidwal.
Kung mahinumduman mismong si PNP Chief, PGen. Rommel Francisco Marbil ang nagmando sa CIDG ug Anti-Cybercrime Group nga magmugna ug Special Composite Team aron mutotok sa kasong ipasaka batuk sa mga nagtago kang Quiboloy.
