Nagpaklaro ang Philippine National Police (PNP) sa mga pagsaway sa netizens nganong naka-blur ang mga mugshots nilang Kingdom of Jesus Christ founder Apollo Quiboloy ug upat nga kaubang akusado niini nga silang Jackielyn Roy, Cresente Canada, Ingrid Canada og Sylvia Cemañes.
Matud kang PNP PIO Chief PCol. Jean Fajardo, ang pag-blur sa mga mugshots og pagtangtang sa pangalan sa mugshot isip pagtubag sa kamanduan sa Commission of Human Rights (CHR) aron protektahan ang ilang dignidad tungod sila ” presumed innocent” hangtod sila mapamatud-an nga guilty.
Gibutyag ni Fajardo, pareho usab ang ginahimo nila sa ubang mga akusado sa mga nakalabay nga operasyon.
Samtang, gisiguro usab ni Fajardo nga silang Quibuloy og mga kaubanan nga akusado niini ang gipaatubang sa presscon sa PNP og Department of the Interior and Local Government (DILG) kagahapon, September 9.
Gitugotan lamang nila ang hangyo sa kampo ni Quiboloy nga matabunan ang ilang nawong samtang sila gipresenta sa publiko.
