Nadiskubrehan matud pa sa mga otoridad ang mga sekretong “hallway” sulod sa katedral sa Kingdom of Jesus Christ sa Davao City samtang padayon nilang gipangita ang lider niini nga si Pastor Apollo Quiboloy, kinsa nag-atubang og kasong kriminal.
Sumala sa taho ni Interior Secretary Benhur Abalos, ang makuti nga desinyo sa gambalay maoy mas naglisod sa mga kapulisan nga gitahasan sa pagdakop kang Quiboloy, kinsa gipangita tungod sa qualified human trafficking ug child abuse.
Isip kabahin sa stratehiya, ilang gikuha ang plano sa KOJC site gikan sa engineering office sa Davao City aron susihon kung kini ba deklarado o wala.
Gumikan kung ang mga hallway ug ubang disenyo sa gambalay ang wala dili madeklara sa plano, klaro kini nga usa ka paglapas.
Gikataho usab sa nasangpit nga adunay migamit ug laser lights batok sa kapulisan.
Adunay nakit-an nga usa ka sundang nga natabunan ug balas dungan sa pagkadiskubre sa mga kable sa live wires.
Samtang gikataho usab nga padayong nabatyagan sa mga awtoridad ang pagpitik sa kasingkasing ilawom sa yuta nga gidudahang iyang ni Quiboloy gamit ang ground penetrating radar.
Ang ubang mga modernong teknolohiya gigamit usab sa pagpangita sa pastor.
Kahinumdoman nga Mobalor og P10 milyones nga reward ang gitanyag alang sa bisan unsang impormasyon nga mosangpot sa pagkasikop kang Quiboloy.
