May gigunitan nga ebidensya ang PNP nga mismong mga sakop sa Kingdom of Jesus Christ ang misamad sa ilang kaugalingon aron mahayon ang kapulisan.
Kini human gibutyag ni PNP Spokesperson Col. Jean Fajardo nga nagkadaghan ang buot muguba sa kapulisan.
Usa matud pa niini ang gikataho nga pagkamatay sa usa ka sakop ni Quiboloy ug daghang ang nasamdan samtang gipatuman ang Warrant of Arrest sa kapulisan sa Davao aron dakpon si Apollo Quiboloy kauban sa laing upat ka akusado.
Sumala ni Fajardo nga hangtud karon wala mapakita ang patay nga lawas sa biktima.
Hinuon gibutyag nga may namatay kaniadtong Agusto 24 apan gipaklaro nga dili kini hinimu-an sa kapulisan ug walay kalambigitan sa pagkamatay sa biktima.
Samtang gipanghimakak sa Kapulisan nga migamit ug tear gas ug nagtanum ug ebidensya sa mga sibilyan sama sa armas, bala ug uban pa.
Nagpamatuod matud pa niini nga ang kapulisan pa ang nasamdan human giatake sa mga suporter ni Pastor Quibuloy.
