GENERAL SANTOS CITY – Ang tema sa Tuna Festival 2024 nga Lasa, Galing sa Piyesta ang tinuod kahulogan sa kaabunda sa syudad nga tinubdan sa maayo nga kultura ug dili hitupngan nga mga talento.
Matud ni Joey Concepcion ang festival director nga ang pulong nga Lasa nagpasabut sa kadungganan sa syudad gikan sa lami-an nga produktong tuna samtang ang pulong Galing nagpasabot sa walay kaparehas nga talento sa mga Heneral.
Matud niini ang Tuna Festival usa sa labing dako ug giatangan nga kalingawan sa rehiyon dose nga usa ka dakong selebrasyon nga magpakita sa daghang pagkaon, sports competitions ug live performance gikan sa mga nag-unang artista aron magmugna ug dili makalimtan nga kasinati-an nga mupaila sa espiritu sa pista.
Angayan nga atangan sa grand opening ceremony karong Septembre uno ang Phyro Musical show ni Sarah Geronimo ug Matteo Guidicelli samtang ang Ben and Ben ang makauban sa closing ceremony .
Usa sa gikahinaman nga kalingawan ang Bombo Bancarera nga ipahigayon sa Septembre 1, 2024 nga ipahigayon sa Queen Tuna Park.
