GENERAL SANTOS CITY – Usa ang smuggling sa gipatutukan sa bag-ong labaw sa kapulisan sa rehiyon dose.
Kini human gibutyag ni Police Brigadier General James Gulmatico nga nagpahigayon ug 111 ka mga operasyon batuk smuggling nga nagresulta sa pagkasikop sa 125 ka mga indibidwal nga nalambigit sa maong ginbuhaton ug pagkakumpiska sa 2,390 boxes sa smuggled nga sigarilyo nga nagkantidad ug P39,370, 649.00.
Matud ni Gulmatico nga gipakita lamang sa kapulisan ang pagka agresibu ug pagka matinud-anon nga kampanya batuk sa palusot nga produkto.
Gikadugang pa niini nga andam ang kapulisan sa pagsumpo sa operasyon sa smuggling sa tibuok rehiyon.
Dungan niini, nangpahimangno ang bag-ong labaw sa kapulisan batuk sa mga indibidwal nga nalambigit sa smuggling nga undangan na ang maong gimbuhaton aron nga dili madakpan ug taralon sa korte .
Kahinumduman nga usa ka sakop sa Philippine Coast Guard ang gidakop sa mga otoridad pinaagi sa entrapment operation human nalambigit sa smuggled nga sigarilyo,
