France men’s basketball team sulod na sa semifinals human gipildi ang Canada 82-73

Sulod na usab sa semifinals men’s basketball sa Paris Olympics ang host country nga France human nga malutsan ang Canada 82-73.

Sa sinugdanan pa lamang sa dula dominado na sa France ang dula og nakuha ang 19-15 nga lamang sa iskor.

Gipugos pa sa Canada nga mugukod sa mga ulahing minuto sa dula apan wala na gibuhian sa France ang lamang.

Nanguna sa kadaugan sa France si Guerschon Yabusele nga mitala og 22 points samtang si Isaia Cordinier adunay 20 points.

Tungod sa kadaugan makaatbang sa France ang Germany sa semifinals.